Fasnacht FCL-Streit liefert Luzerner «Värsli-Brönzlern» Steilvorlage

FCL-Streit liefert Luzerner «Värsli-Brönzlern» Steilvorlage - Gallery

Die Gruppe GordonBlööö bei ihrem Auftritt an der "Värsli-Brönzlete" am "Komisch Frytig" der Luzerner Fasnacht.

Bild: Keystone

Die Gruppe Pfotteri-Motteris an der Värsli-Brönzlete am "Komisch Frytig" der Luzerner Fasnacht.

Bild: Keystone

FCL-Streit liefert Luzerner «Värsli-Brönzlern» Steilvorlage - Gallery

Die Gruppe GordonBlööö bei ihrem Auftritt an der "Värsli-Brönzlete" am "Komisch Frytig" der Luzerner Fasnacht.

Bild: Keystone

Die Gruppe Pfotteri-Motteris an der Värsli-Brönzlete am "Komisch Frytig" der Luzerner Fasnacht.

Bild: Keystone

«Intrigieren, Spröchle, Zönde»: Am «Komisch Frytig» der Luzerner Fasnacht haben bei der «3. Värsli-Brönzlete» zehn Gruppen das Publikum in den Restaurants mit Reimen und Sprüchen unterhalten. Thema Nummer 1 war der Besitzer-Streit beim FC Luzern.

Keystone-SDA, kad, sda

17.02.2023, 20:43

SDA

Was in Basel seit bald 200 Jahren Tradition hat und auf der Luzerner Landschaft seit Jahrzehnten Brauch ist, haben Fasnächtler in der Stadt Luzern erst vor wenigen Jahren wieder aufleben lassen: Die «Värsli-Brönzlete», an der das Zeitgeschehen mit fasnächtlichen Sprüchen beleuchtet wird.

Die neun Luzerner Restaurants, in denen die zehn Gruppen auftraten, waren bereits im vergangenen Dezember ausverkauft. Mit den Querelen beim FCL konnten sich die Sprücheklopfer dieses Jahr über fehlenden Stoff nicht beklagen. Ein Auszug aus den Programmen:

*

De Wolf streift nöischtens omenand

sogar bi eus im Mettuland

Die einte tüend sine Ableck gniesse

anderi wettid ne lieber verschiesse

Die Diskussione om das Viech

send im Bernhard Alpstäg glich

Scho lang hed är, ohni Röcksecht z'nä

zom Abschoss vom Wolf sis OK gä. (Urbi@Orbi)

*

De FCL bringt weder Gschichte

Do dröber müemer leider brichte

(...)

Das Niveau dued beidsiitig sinke

Als Fan chasch dech nor no betrinke. (Zunftrat zu GordonBlööö)

*

Der geplante Theaterneubau an der Reuss wurde wahlweise mit dem FCL oder dem abgelehnten Kantonsbeitrag an die Kaserne der Schweizergarde verquickt:

*

Wenn e Löu, e blöde Siech, e Glönggi ond e Sörmu

rechtig zäme Krach hend, de gett's es grosses Gschtörm wöu

am Ändi weisch denn nömme, wär wo wie ond was das sell

es guets Biischpel för das esch üse FCL.

(....)

Ond 's goht om Sex and Crime ond all send am rumore

Wär wenn wie met wäm, mer hend de Öberbleck verlore

Es tragischs, komischs Drama mit Intrige do ond det

För d'Stadt hett's au Vorteil: 's nöis Theater bruucht's grad ned. (Bögugäber)

*

Etz planed's do es nöis Theater det äne vo de Rüüss

S esch vöu z modern ond gar nüd schöns – die Meinig esch vo üüs

Üse Vorschlag wär, ehr planed s nöi Theater i de Allmend

Wöu s dete met em Alpstäg jo scho lang Theater hend. (Pfotteri-Motteris)

*

Zom Glöck verständ mer Hönd nüt vo Plane oder Politik

drom wedled mehr för de Stadtrot – ohne Kritik!

Zom Bispiel, das usgwählti Stadttheaterprojekt gfallt üs Hönd sehr!

Es gsed us wie grossi Hondehöttli diräkt am Meer. (Haued em Hond de Schwanz ab)

*

D' Regierig hätti schampar gärn

us de Stüüre vo Lozärn

im Vatikan d' Kasärne finanziert

De Schwiizergarde fählt's a Moos

sii werd drom bald obdachlos

di Lengge hend erfolgrich lobbyiert

Doch d'Stadt Lozärn loht sech ned lompe, brengt e gueti Lösig hii

well gmäss Entworf chönnt s'neu Theater – en Kasärne-Neubou sii. (Bögugäber)

*

Neben der Lokalpolitik nahmen die Gruppen auch Themen wie die Strommangellage, die Fussball-WM, kulturelle Aneignung, klebende Klimaaktivisten und Alt Bundesräte aufs Korn:

*

«Z'zwöite Dusche» chunnt als Empfählig us Bärn

und d'Wiehnachtsbelüchtig schaltet's ab z'Lozärn

De Bundesrot gseht rot und wott no meh spare

mir sölle d'Heizige uf nünzäh Grad abefahre

I Corona-Ziite fallsch uf, wenn's di zum Hueschte reizt

jetzt heisst's: «Wenn d'gsund bisch, hesch heimlich gheizt!» (Urbi@Orbi)

*

Mer ond veli andri Lüüt

hend gseit: «Das esch för nüüt

mer lönd dä Fuessballbeldlisammelspass lo sii»

Mer send moralisch öberläge

hend drom gseit: «Mer send degägä»

Doch gfählt hett eim das Chläbe glich e chlii

Mer alli hends vermesst, nor d'Klimaaktiveschte hend en Plan

Statt s' Beld is Albom chläbid si sech sälber zmetzt of d'Autobahn. (Bögugäber)

*

Blues chonnd vo de Schwarze

Wiissi dörfed dä ned senge

Ou Reggea schpelsch nor in Jamayca

Das chasch doch ned brenge

Demet mier kai Problem bekemme

S esch zwor ganz suschpäggt

Senged mier die Schnetzelbängg im Basler Dialäggt. (Pfotteri-Motteris)

*

Schiins siig dr Ueli Murer, sider nümmä Bundesrat isch, überhaupt nümme richtig zwäg,

mä seid sogar, är siigi depressiv wordä, gsäch kä Sinn meh imnä wiiterä Wäg,

doch Gottseidank giägsem etz wieder chle besser, är heig s' Schlimmstä überwundä:

Ä siig wieder glücklich, will är heig doch tatsächlich Ufnahm i dä queerä Comunity gfundä. (Bianchineri)

*

Immer für einen Spruch gut war in den vergangenen Jahren der Luzerner Stadtrat Adrian Borgula (Grüne). Nun tritt er zurück. An der Fasnacht war er noch einmal Ehrengast einer Stadt-Skilift-Einweihung:

*

Leuchten-städtische Verkehrspolitik, nein,

die muss nicht immer sinnvoll sein.

Drum begrüssen Sie mit mir, mit grau-melierte Löckli dra,

unseren städtischen Verkehrsminister de Adrian Borgula. (MLG Theaterbuebe)

*

Mier beide wössed ned öb mier ou nöchscht Johr weder senged

Mier hend chlii Angscht dass mier die guete Värs nömm zäme brenged

De Grond esch ned dass mier zwöi ned vöu Fröid debii düend haa

De Grond – es ged gli keini Värsli meh vom Borgula. (Pfotteri-Motteri)