Basler Fasnacht Diese Themen kommen an den Schnitzelbänken unters Messer

Auch dieses Jahr dürften sich wieder viele Prominente vor den Basler Schnitzelbänken fürchten. Mit viel Humor und Sarkasmus nehmen sie so manchen auf die Schippe. blue News hat einige der besten Verse für dich ausgesucht.

Best-of Schnitzelbänke News

«Im Wallis bloose d Jäger jetzt zum grosse Halali
und knalle alles aabe wo villicht e Wolf könnt sy.
Dr Albärt Röschti het’s erlaubt und gseet nüt haiggels dra
Är sälber het jo allewyyl dä gmöögig Schoofpelz aa.»
(Dreydaagsfliege)

«Für d Mensche in den USA isch die Froog difficil.
Wääl ych die perversi Sau, oder dr Senil.
Die wichtigscht Froog isch aber, wo über allem schwäbt.
Ob äin vo dääne bäide vier Joor Amtszyt überläbt.»
(Spootschicht Rhygass)

«D Viola Amhärd het am WEF zümftig afo blöffe.
S Gsprööch mit däre von der Leyen syyg «üüsgezeichnet glöffe.»
Die Dytschi het vyyl glächled und für sich d Sekuunde zellt.
Und denn, wo d Amhärd gangen isch, en Übersetzer bstellt.»
(Rätschbääse)

«Im nooche Oschte fliege d Bombe. Mr lääbe in dunkleZyte.
Die chlyyne Chinder lyyde, well die alte Duuble stryte.
In Russland nimmt dr Putin die grosse Rageete füüre.
Und mir diskutiere über d Faarb vo Gender-WC-Tüüre.»
(Heiri)

«Aadie Cumulus, d Migros liggt im Drägg.
Äifach üüber Nacht, fuffzäähundert Stelle wägg.
Mir hänns euch jo scho letscht Joor gsäit, s isch glaar was die vernichtet.
Es isch nit immer gscheit wenn me uff Alkohool verzichtet.»
(Spootschicht Rhygass)

Best-of Schnitzelbänke Sport

«In Vietnam kauft dr Federer für 20 Stutz e Schue.
Haut 180 Frangge druff und fluetet d Lääde zue.
D Lüüt verseggle, Gäld aahüüfe, falschi Wääg yyschloo.
Schyynbar het die CS bi däm Spuure hinterloo.»
(Yysebahn)

«Die kaibe Trotti rege is uff
steen nur umme und mache Buff
und zwar so dumm, dass nimm sicher bisch obs
nit d Schwizer Fuessballnati isch»
(Dipflischysser)

«E baar Klima-Agtivischte,
seggle uf e Slalom-Pischte,
gaischtig sin si komplett drnääbe,
will si jo uf em Schnee nit glääbe.»
(Pierrot)

«Für die Fuessballerinne uss Spanie wird im letschte Joore
grosses, lang erträumts Fuessballmäärli wohr
nur, rein vo de Määrli här hätt doch jeedy sötte wüsse
dass dää Momänt kunnt, wo me so e gruusige Frosch muess küsse»
(Fäärimaa)

«Ych verzell ihne jetz, en Arztghaimnis do
dr David Dääge het sy rächti Schultere operiere lo.
Lieber hät me, wemme waiss wie dä tiggte
bitzli wyter oobe gfliggt!»
(Doggter FMH)

«Är haig ere jo nur e Schmutz gäh.
Adiós Rubiales! Kain ka di in Schutz näh!
Oh gäbti doch au ändlig, gottfridstutz,
Der Infantino ainere e Schmutz!»
(s Kuchi-Daaberettli)

Best-of Schnitzelbänke Entertainment

«Brudi bisch bitz goofy, sheesh, was laaberisch so cringe.
Frässi, Opfer, hartz ewäg, bisch Boomer oder spinnsch.
Au wenn dir nüt verstande händ wärs schön wenn jetz äin lacht.
Will d Hälfti vo däm Värs het unser Göttimäitli gmacht.»
(Spootschicht Rhygass)

«Jetz hänn si doch dä Brian uss em Gfängnis gloo.
Sithäär brobiert äär, iirgendwie e Job z bikoo.
‹Brian, mir hälffe diir, kumm, loss is zämme reede,
Wiird aifach Leerer, deert nämme si jetz jeede›.»
(Dootebainli)

«Dr Gotthard und dr Gottschalk, die dien äänlig haisse.
S wird bi baidne unterirdisch und duet denn entglaise.
Doch gits ai Unterschiid, hän si sunschd villes gmain.
Dr Gotthard het e Waiche und dr Gottschalk isch ain.»
(Katzegsang)

«Zer Beärdigung vom Silvio
sinn e huffe jungi Daame khoo …
Si sinn sofoort zu sym Säärgli g‘rennt
hänn dr Berlusconi grad erkennt.
Dasch ebbis won‘ych guet begryff:
Die kenne dää jo numme styff!»
(Giftspritzi)

Mehr zur Fasnacht

Darum hat Basel die beste Fasnacht der Welt

Die «drey schenste Dääg» lassen das Herz von Martina Stadelmann aus dem blue Newsroom höher schlagen. Im Video erklärt sie, was es an der Basler Fasnacht zu beachten gibt.

27.02.2023